Azərbaycan, Bakı, 23 yanvar /müx. TrendLife Şahin Cavadsoy
Ara mahnılarının mahir ifaçısı, əməkdar artist Eyyub Yaqub musiqinin ən çətin janrlarından biri kimi səciyyələndirilən "İlahi musiqilər" ifa etməyi qarşısına məqsəd qoyub. Bu haqda müğənni TrendLife-a məlumat verib: "Hesab edirəm ki, peşəkar müğənni öz bacarığını, musiqinin müxtəlif janrlarında göstərməkdən ehtiyatlanmamalıdır. Bəli, mən, əsasən, ifa etdiyim ara mahnılarla pərəstişkar sevgisi qazanmağa müvəffəq olmuşam. İndi də istəyirəm ki, dini mahnılarla tamaşaçıların zövqünü oxşayım. Əminliklə deyə bilərəm ki, bu istəyim uğurlu alınacaq. Çünki, hamı bilir ki, Eyyub Yaqubov boş-boşuna sənətində yenilik etmək niyyətinə düşmür".