Azərbaycan, Bakı, 19 fevral / Trend , müxbir A.Salmanov/ Azərbaycan politolqu Rövşən Novruzoğlu fevralın 19-da keçirilən məhkəmə iclasında onu müdafiə etdiyi şəxsdən imtina edib.
Ağır Cinayətlərə Dair İşlər üzrə Məhkəmədə hakim Ələkbər Quliyevin sədrliyi ilə Beynəlxalq Terrorizm və Korrupsiya ilə Mübarizə İdarəsinin direktoru, politoloq Rovşən Novruzoğlunun (Vəliyev) məhkəmə prosesi bu gün davam edib. Prosesdə təqsirləndirilən Novruzoğlu onun hüquqlarını müdafiə edən vəkili Tofiq Allahverdiyevdən imtina edib. Proses qeyri-müəyyən vaxtadək təxirə salınıb.
Novruzoğlu Bakı şəhər İcra Hakimiyyətindən Baş Prokurorluğa daxil olan materiallar əsasında ötən il iyulun 13-də həbs olunub. Ona qarşı Cinayət Məcəlləsinin hüququ verən və vəzifədən azad edən vəsiqəni və digər rəsmi sənədləri saxtalaşdırma (320.1-ci), bilə-bilə saxta sənədlərdən istifadə etmə (320.2-ci), vəzifəli şəxsin səlahiyyətini mənimsəmə (310-cu) maddələri ilə ittiham irəli sürülüb.