Türkiyədə raket əleyhinə müdafiə (RƏM) sisteminin yerləşdirilməsi mümkün deyil. Bu barədə NATO-nun baş katibi ilə birgə mətbuat konfransında Türkiyənin xarici işlər naziri Əhməd Davudoğlu jurnalistlərin sullarını cavablandırarkən bildirib. Məlumatı CNN Türk telekanalı yayıb.
Onun sözlərinə görə, ABŞ sözügedən məsələ ilə bağlı Türkiyəyə müraciət etməyib.
"Tribuna" qəzetinin yazdığına görə, ABŞ-ın yeni administrasiyası Polşada RƏM sisteminin və Çexiyada radarın yerləşdirilməsi mümkünlüyünü nəzərdən keçirmir. Bu barədə İTAR-TASS xəbər verir.