Azərbaycan, Bakı, 09 dekabr / Trend , müxbir H.Bağırov/
Azərbaycanda qəsdən adam öldürməkdə təqsirli bilinən Gürcüstan vətəndaşının məhkəməsi başlayıb.
Trend -un məlumatına görə, Ağır Cinayətlərə Dair İşlər üzrə Məhkəmədə Ələkbər İsmayılovun cinayət işi üzrə məhkəmənin hazırlıq iclası keçirilib. Məhkəmə baxışı dekabrın 16-na təyin edilib.
Təqsirləndirilən şəxs Cinayət Məcəlləsinin xuliqanlıq niyyəti ilə adam öldürmə (120.2.2) maddəsi ilə ittiham olunur.
Ələkbərov bu il avqustun 17-də Bakının Nizami rayonu ərazisində Kəngərli rayon sakini Zaur Hüseynovu bıçaqlayaraq qətlə yetirib. Ələkbərov Daxili İşlər Nazirliyinin Baş Mühafizə İdarəsi və Nizami rayon Polis İdarəsinin 24-cü polis bölməsi əməkdaşlarının birgə keçirdikləri əməliyyat-axtarış tədbirləri nəticəsində tutulub.
Məqalə müəllifi ilə əlaqə ünvanı: [email protected]