Azərbaycanda məktəblərdə təkrar imtahanların keçiriləcəyi tarix açıqlanıb

Azərbaycan, Bakı, 2 sentyabr /Trend, müxbir M.Əliyev/

Azərbaycanın Təhsil Nazirliyi 2, 6 və 8 sentyabr tarixlərində buraxılış imtahanında iştirakına icazə verilməmiş, həmçinin, müəyyən səbəblərdən imtahanlara gəlməmiş şagirdlər üçün payız buraxılış imtahanları keçirəcək. Bu barədə idarənin məlumatında deyilir.
Plana uyğun olaraq, payız buraxılış imtahanları üç bölgə üzrə sentyabrın 2-də, 6-da və 8-də keçiriləcək. Sentyabrın 2-də Şirvan şəhəri, Ağcabədi, Astara, Beyləqan, Bilə­su­var, Cəlil­abad, Hacıqabul, İmişli, Kürdəmir, Lənkəran, Masallı, Neft­ça­la, Salyan, Ucar, Sabir­abad, Saatlı, Zərdab, Quba, Qusar, Xaçmaz, Şabran, Siyəzən və Xızı ra­yonlarının, sentyabrın 6-da Gəncə, Mingəçevir və Naftalan şəhərləri, Ağstafa, Bər­də, Lerik, Yardımlı, Daşkə­sən, Gədəbəy, Ağdaş, Ağsu, Göyçay, Goranboy, Göy göl, Qazax, Sa­mux, Şəmkir, Tərtər, To­vuz, Yevlax, Şəki, Balakən, İsmayıllı, Oğuz, Qax, Qəbələ, Şa­maxı, Zaqatala və Qobustan rayonlarının, sentyabrın 8-də Bakı, Sumqayıt şəhərləri və Abşeron rayonunun şagirdləri payız imtahanları verəcəklər.