Azərbaycan, Bakı, 7 mart /Trend, müxbir M.Əliyev/
Azərbaycanlı boksçu Ağəli Alışov WBS versiyası üzrə peşəkarlar arasında Ukrayna çempionu olub. Bu barədə bazar ertəsi Trend-ə Ukrayna Azərbaycanlı Gənclər Birliyindən məlumat verilib.
59 kiloqram çəki dərəcəsində mübarizə aparan Alışov finalda texniki nok-autla qələbə qazanıb. Döyüş ötən bazar Kiyevin "Vosxod" idman kompleksində keçirilib.
Azərbaycanlı idmançını Azərbaycanın Ukraynadakı səfiriliyi və Ukrayna Azərbaycanlı Gənclər Birliyinin nümayəndələri azarkeşlik ediblər.
