Azərbaycan, Bakı, 9 aprel/ Trend, müxbir A.Tağıyeva/
Cümə günü Azərbaycan ərazisində başlayan küləkli hava sabaha kimi tədricən sakitləşəcək. Bu barədə Trend-ə şənbə günü Ekologiya və Təbii Sərvətlər Nazirliyinin Milli Hidrometeorologiya Departamentindən deyiblər.
Sürəti saniyədə 25-28 metr olan külək ölkənin qərb hissəsində - Daşkəsən, Qazax rayonlarında və Gəncə şəhərində qeydə alınıb, - departamentdən bildiriblər.
Nazirlik mümkün güclü külək barəsində əvvəlcədən xəbərdarlıq edib.
Gözlənilir ki, bazar günü külək sakitləşəcək, - departamentdən deyiblər.