Azərbaycan, Bakı, 23 may /Trend, müxbir İ.İsabalayeva/
Bu il Azərbaycanda 100 165 nəfər XI sinif şagirdinin orta məktəbi bitirəcəyi gözlənilir.
Təhsil Nazirliyindən bazar ertəsi Trend-ə verilən məlumata görə, bu il orta məktəblərin IX sinfini 145 484 nəfərin bitirəcəyi proqnozlaşdırılır.
2011/2012-ci tədris ilində Azərbaycanın orta məktəblərinin I sinfinə 120 minə yaxın uşağın qəbul ediləcəyi gözlənilir.
Bakının orta məktəblərini isə bu il 23 minə yaxın XI sinif şagirdi bitirəcək.
Cari tədris ilində paytaxtda IX sinfi başa vuran şagirdlərin sayı 31 minə yaxın olacaq.
2011/2012-ci tədris ilində Bakı məktəblərinin I sinfinə 30 minə yaxın uşağın qəbul olunacağı gözlənilir.