Azərbaycan, Bakı, 13 iyul /Trend, müxbir M.Əliyev/
Azərbaycanda doktoranturaya qəbul imtahanları ilə bağlı elan avqustun 15-20-də açıqlanacaq. Trend-in məlumatına görə, bunu çərşənbə günü jurnalistlərə açıqlamasında Azərbaycan Milli Elmlər Akademiyasının vitse-prezidenti Arif Həşimov deyib.
Onun sözlərinə görə, elan mətbuatda çap ediləcək.
Həşimov bildirib ki, sənəd qəbulu 1 ay davam edəcək.
AMEA-nın vitse-prezidentinin sözlərinə görə, plan yerlərində dəyişiklik yoxdur. Lakin müəssisə daxilində hansısa ixtisaslar üzrə plan yerləri boş qalarsa, başqa ixtisaslardan oraya köçürmələr ola bilər.