Bakı. Trend:
Braziliyada federal polis qüvvələri keçmiş prezident Jair Bolsonaronun evində və ofində əməliyyat-axtarış tədbirləri həyata keçirib.
Trend bu barədə xarici KİV-ə istinadən xəbər verir.
Cümə günü verilən rəsmi açıqlamada polis Braziliya Ali Məhkəməsinin qərarı əsasında axtarış orderləri verdiyini bildirib.
Hazırda Bolsonaro 2023-cü ilin yanvarında keçirilmiş prezident seçkilərində məğlubiyyətdən sonra Luiz İnasio Lula da Silvanın hakimiyyətə gəlməsinin qarşısını almaq planında iştirak ittihamı ilə Braziliya Ali Məhkəməsində mühakimə olunur.
Yerli KİV-in məlumatına görə, Bolsonaronun üzərinə elektron qolbaq taxmaq, sosial şəbəkələrdən istifadə etməyi dayandırmaq və Vaşinqtonda atasının adından lobbiçilik fəaliyyəti aparan deputat oğlu Eduardu ilə əlaqəni kəsmək öhdəliyi qoyulub.