Bakı. Trend:
2025/2026 mövsümündə Azərbaycan Premyer Liqasında debüt edəcək “İmişli” klubu növbəti transferini reallaşdırıb.
Trend xəbər verir ki, bölgə təmsilçisi qanalı yarımmüdafiəçi Ezekiel Morqanla 2 illik müqavilə imzalayacaq.
Qeyd edək ki, Morqan 2023-cü ildən Azərbaycan çempionatında çıxış edir. O, ilk olaraq “Kəpəz”ə transfer olunub, 2023/2024 mövsümündə icarə əsasında “İmişli”nin formasını geyinib, ötən mövsümdə isə “Karvan”da oynayıb.