Bakı. Trend:
“Formula 1” Azərbaycan Qran-prisi 2025-in tikinti və demontaj mərhələlərinə podratçı şirkətlər tərəfindən 2 162 nəfər cəlb olunub.
Trend-in məlumatına görə, bunu jurnalistlərə açıqlamasında Bakı Şəhər Halqasının tikinti şöbəsinin meneceri Sübhan Manafzadə "Formula 1" üzrə Azərbaycan Qran-prisinə hazırlıq çərçivəsində media tur zamanı deyib.
O qeyd edib ki, yarış həftəsində bu prosesə əlavə olaraq 1 500 təşkilatçı əməkdaşı, 2 000 könüllü və 1 400 marşal da qoşulacaq:
"Tikinti işləri gecə-gündüz növbəli rejimdə aparılır.
Nəqliyyatın hərəkətini məhdudlaşdıran əməliyyatlar yalnız gecə saatlarında həyata keçirilir ki, bu da şəhər sakinlərinə narahatlığı minimuma endirir.
Hazırda bütün prosesə yalnız yerli - Azərbaycan podratçı şirkətləri cəlb olunub".
Qeyd edək ki, Azərbaycan Qran-prisi sentyabrın 19-21-i aralığında baş tutacaq.