Bakı. Trend:
Cinayət işlərinin qanuni və əsaslı başlanması, düzgün istintaq metodikası, peşəkar heyət və effektiv prosessual rəhbərlik nəticəsində cinayətlərin 99,2 faizi açılıb.
Trend-in məlumatına görə, bunu Hərbi prokuror Bəhruz Əhmədov Hərbi Prokurorluqda keçirilən geniş Kollegiya iclasında bildirib.
O qeyd edib ki, cinayət işlərinin başlanmasının qanuniliyinə və əsaslılığına xüsusi diqqət yetirilib:
"İcraatda olan işlər üzrə bütün halların hərtərəfli, tam və obyektiv araşdırılması istiqamətində məqsədyönlü fəaliyyət həyata keçirilib. Düzgün qurulmuş istintaq metodikası və taktikası, səriştəli aparılan istintaq hərəkətləri, tələb olunan səviyyədə prosessual rəhbərlik, eləcə də işçilərin peşəkarlığı və əzmi nəticəsində qeydə alınmış cinayətlərin üstü açılıb".