Azərbaycan, Bakı, 12 oktyabr /Trend, müxbir İ.İsabalayeva/
Tələbə Qəbulu üzrə Dövlət Komissiyası orta ümumtəhsil müəssisələrinin buraxılış sinfində təhsil alan şagirdlərə müraciət edib.
Komissiyadan cümə günü Trend-ə verilən məlumata görə, son günlər bəzi kütləvi informasiya vasitələri tərəfindən buraxılış imtahanı keçiriləcək fənlərin sayının artırılacağı ilə bağlı yanlış məlumatlar yayılıb.
Bunu düzgün saymayan TQDK həmin məlumatların heç bir əsasının olmadığını açıqlayıb.