Azərbaycan, Bakı, 13 fevral /Trend, müxbir A.Tağıyeva/
"Türk Hava Yolları" (THY) aviaşirkəti onlarla istiqamətdə həyata keçirilən aviareyslərdə alkoqollu içkiləri menyudan çıxarıb. Trend-in məlumatına görə, bu barədə Türkiyənin "Hürriyyət" qəzeti xəbər yayıb.
Belə ki, Kəraçi və İslamabad (Pakistan), Qahirə və İsgəndəriyyə (Misir), Bağdad və Ərbil (İraq), Moqadişo (Somali), Dakar (Seneqal), əl-Küveyt (Küveyt) və Niamey (Nigeriya) şəhərlərinə aviareyslərdə alkoqollu içkilər verilmir.
Bundan başqa, belə içkilər bir sıra daxili, əsasən, ölkənin cənub-şərq vilayətləri istiqamətində həyara keçirilən reyslərdə də verilməyəcək.
Qəzetin məlumatına görə, gələcəkdə THY bütün istiqamətlərdə hərəkət edən aviareyslərdə alkoqollu içkiləri menyudan çıxarmağa hazırlaşır.