...

IDEA kampaniyası "Atmosferin çirklənməsi ilə mübarizə üsulları" mövzusunda seminar təşkil edib (FOTO)

Cəmiyyət Materials 16 Sentyabr 2013 20:48 (UTC +04:00)
Hər il dünyada 16 sentyabr tarixində qeyd olunan Beynəlxalq ozon qatının mühafizəsi günü ilə əlaqədar IDEA (International Dialogue for Environmental Action) kampaniyası “Atmosferin çirklənməsi ilə mübarizə üsulları” mövzusunda interaktiv seminar keçirmişdir.
IDEA kampaniyası "Atmosferin çirklənməsi ilə mübarizə üsulları" mövzusunda seminar təşkil edib (FOTO)

Azərbaycan, Bakı, 16 sentyabr /Trend/

Hər il dünyada 16 sentyabr tarixində qeyd olunan Beynəlxalq ozon qatının mühafizəsi günü ilə əlaqədar IDEA (International Dialogue for Environmental Action) kampaniyası "Atmosferin çirklənməsi ilə mübarizə üsulları" mövzusunda interaktiv seminar keçirmişdir.

Seminar ətraf mühit və onun qorunmasına xüsusi marağı olan 30-a yaxın gəncin iştirakı ilə baş tutmuşdur. İnteraktiv şəkildə təşkil olunmuş seminarda ekspert qismində Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin direktor müavini Mətanət Avazova iştirak etmişdir.

Seminar zamanı ekspert vurğulamışdır ki, son zamanlar artan enerji istehlakı və bununla əlaqədar karbon qazının atmosferdə miqdarının çoxalması ozon qatında dəliyin yaranmasına və getdikcə böyüməsinə səbəb olur. Bu problem Yer kürəsinin gələciyi üçün çox böyük fəsadlar törədə bilər.

Seminarda atmosferin çirklənmə səbəbləri, ozon qatında yaranmış dəliyin insan həyatı üçün nə dərəcədə ziyanlı olması haqqında da maraqlı fikirlər söylənilmişdir. Ekspert seminar iştirakçılarının problem haqqında fikirlərini öyrənmiş və onların suallarını cavablandırmışdır. Sonda çıxış edən ekspert gəncləri bu tip problemlərin həllinə daha həssas və diqqətli yanaşmağa çağırmışdır.

Qeyd edək ki, IDEA kampaniyası bu cür maarifləndirici seminarları mütəmadi olaraq həyata keçirir.

IDEA (International Dialogue for Environmental Action) kampaniyası 2011-ci il iyul ayının 12-də Heydər Əliyev Fondunun vitse-prezidenti Leyla Əliyeva tərəfindən başladılmışdır.

Məqalədə:
Xəbər lenti

Xəbər lenti