...

Ramil Usubov daxili işlər orqanlarında xidmətə qəbul olmaq istəyənlərə Lənkəranda sıra baxışı keçirəcək

Cəmiyyət Materials 4 Sentyabr 2014 16:16 (UTC +04:00)
Daxili işlər naziri general-polkovnik Ramil Usubov Lənkəranda cənub bölgəsinin sakinlərinin qəbulunu və daxili işlər orqanlarında xidmətə qəbul olmaq istəyənlərə sıra baxışı keçirəcək.
Ramil Usubov daxili işlər orqanlarında xidmətə qəbul olmaq istəyənlərə Lənkəranda sıra baxışı keçirəcək

Azərbaycan, Bakı, 4 sentyabr /Trend, müxbir İlkin İzzət/

Daxili işlər naziri general-polkovnik Ramil Usubov Lənkəranda cənub bölgəsinin sakinlərinin qəbulunu və daxili işlər orqanlarında xidmətə qəbul olmaq istəyən şəxslərə sıra baxışı keçirəcək.

Daxili İşlər Nazirliyindən (DİN) Trend-ə verilən məlumata görə, R.Usubov tərəfindən cari il sentyabrın 27-də Lənkəran şəhərində bölgə üzrə daxili işlər orqanları əməkdaşlarının fəaliyyətinə aid məsələlərlə bağlı (kadr məsələsi istisna olmaqla) vətəndaşların qəbulu keçiriləcək.

Qəbulda yalnız Lənkəran, Cəlilabad, Masallı, Astara, Yardımlı, Lerik rayonunun sakinləri iştirak edə bilərlər.

Bundan əlavə, həmin gün nazir tərəfindən Lənkəran şəhərində bölgə üzrə keçiriləcək vətəndaşların qəbulu zamanı daxili işlər orqanlarında xidmətə qəbulla bağlı müraciət etmiş şəxslərin Lənkəran Şəhər-Rayon Polis Şöbəsinin inzibati binasının həyətində düzülüşü də təşkil ediləcək.

Xidmətə qəbulla əlaqədar Azərbaycan Respublikasının Silahlı Qüvvələrində həqiqi hərbi xidmət müddətini tam başa vurmuş (qadınlar istisna olmaqla), yaşı 20-dən aşağı, 30-dan yuxarı olmayan, boy ölçüsü 180 sm (qadınlar üçün 170 sm), düzgün bədən quruluşlu və idman cüssəli, tam orta təhsilli, yol-patrul xidməti inspektoru vəzifələrinə əlavə olaraq avtomobil nəqliyyatına aid olan orta-ixtisas və ya ali təhsilli, 3 ildən az olmayan sürücülük stajı olan, kompüterdən istifadə etməyi bacaran, "Azərbaycan Respublikasının daxili işlər orqanlarında xidmət keçmə haqqında Əsasnamə"də müəyyən olunmuş digər şərtlərə cavab verən Azərbaycan Respublikasının vətəndaşları iştirak edə bilərlər.

Məqalədə:
Xəbər lenti

Xəbər lenti