...

Geologiya və Geofizika İnstitutu yeni avadanlıqlar alıb

Cəmiyyət Materials 29 Sentyabr 2014 16:46 (UTC +04:00)
Azərbaycan Milli Elmlər Akademiyası Geologiya və Geofizika İnstitutu elmi nəticələrin istehsalatda tətbiqi istiqamətində imkanlarını təkmilləşdirmək üçün yeni avadanlıqlar alıb.
Geologiya və Geofizika İnstitutu yeni avadanlıqlar alıb

Azərbaycan, Bakı, 29 sentyabr /Trend, müxbir İlhamə İsabalayeva/

Azərbaycan Milli Elmlər Akademiyası Geologiya və Geofizika İnstitutu elmi nəticələrin istehsalatda tətbiqi istiqamətində imkanlarını təkmilləşdirmək üçün yeni avadanlıqlar alıb.

İnstitutunun İctimaiyyətlə əlaqələr şöbəsindən Trend-ə verilən məlumata görə, institutun "Analitik Cihaz və Avadanlıqlardan Kollektiv İstifadə Mərkəzi"nə "Universal S8 tiger" rentgenspektrometri, "JEOL MS 6610LV" skaynerli elektron mikroskopu, "Rigaku Miniflex 600" rentgendifraktometri, "Agilent technologies 200 series AA" atom absorbsiyası və "Agilent technologies 7700 e İCP-MS" analizatorları alınıb. Bu avadanlıqlar mineral xammal, süxur, filiz, metal və ərintilərin, həmçinin torpaq, dib çöküntüləri, sement, şüşə və daşların tərkibində mikroelementləri müəyyən edə bilir.

Eyni zamanda, onların vasitəsi ilə istənilən qeyri-üzvi bərk və maye maddələrin, içməli və texniki suların kimyəvi tərkibini, o cümlədən neft və neft məhsullarındakı metalların mikrokomponentlərini təyin etmək mümkündür.

Sözügüdən elmi-texniki vəsaitlər ABŞ, Almaniya və Yaponiyada istehsal edilib. Bu cihazlarla analizlərin aparılması zamanı metodik göstəricilər və təlimatlardan istifadə edilir. Analizlərin nəticələrinin düzgünlüyü isə Rusiya, Almaniya və Yaponiyadan alınmış xüsusi dövlət standartları ilə yoxlanılır.

Məqalədə:
Xəbər lenti

Xəbər lenti