Azərbaycan, Bakı, 19 dekabr /Trend, müxbir İlkin İzzət/
Bakının Nobel prospektində hərəkət məhdudlaşdırılır. Bunu Trend-ə Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev deyib.
Onun sözlərinə görə, bu gün saat 11:30-dan etibarən Bakının Nobel prospektində yolda aparılacaq xətləmə işləri ilə əlaqədar "Ağ şəhər"dən paytaxtın mərkəzi istiqamətində yolda hərəkət qismən məhdudlaşdırılacaq.
İşlərin bir neçə saat ərzində yekunlaşdırılması nəzərdə tutulur.