Bakı. Samir Əli - Trend:
Bu gün Bakı Ağır Cinayətlər Məhkəməsində oğurluqda təqsirləndirilərək həbs edilən Müqabil Musayevin cinayət işi üzrə məhkəmə prosesi başa çatıb.
Trend-in məlumatına görə, hakim Azər Orucovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə M.Musayev 6 il müddətinə azadlıqdan məhrum edilib.
Qeyd edək ki, Müqabil Musayev ötən il polis əməkdaşları tərəfindən saxlanılıb. O, Cinayət Məcəlləsinin 177-ci (oğurluq) maddəsi ilə ittiham olunub.