...

Fərdi uçot sistemində 124 770 nəfər qeydiyyata alınıb

Cəmiyyət Materials 25 İyul 2017 11:39 (UTC +04:00)
Bu il fərdi uçot sistemində əlavə olaraq 124 770 nəfər qeydiyyata alınıb.
Fərdi uçot sistemində 124 770 nəfər qeydiyyata alınıb

Bakı. Trend:

Bu il fərdi uçot sistemində əlavə olaraq 124 770 nəfər qeydiyyata alınıb.

Bu barədə Trend-ə Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsindən məlumat verilib.

ƏƏSMN yanında Dövlət Sosial Müdafiə Fondunun fərdi uçot sisteminin əhatə etdiyi şəxslərin sayı 2017-ci ildə də artmaqda davam edir.

Cari ilin yanvar-iyun aylarında fərdi uçot sistemində əlavə olaraq 124770 nəfərə fərdi şəxsi hesab açılıb ki, bu da ötən ilin müvafiq dövrü (98 995 nəfər) ilə müqayisədə 25 775 nəfər və ya 26 faiz çoxdur. Beləliklə, 01 iyul 2017-ci il tarixə sistemdə qeydiyyata alınan sığortaolunanların sayı ötən ilin müvafiq dövrü (3 279 149 nəfər) ilə müqayisədə 217 529 nəfər və ya 6,6 faiz artaraq 3 496 678 nəfərə çatıb. Həmin şəxslərdən 59,5 faizini kişilər, 40,5 faizini qadınlar təşkil edir.

Azərbaycanda 2006-cı ildə qurulmuş müasir sığorta-pensiya sisteminin aparıcı komponenti kimi fəaliyyət göstərən fərdi uçot sistemi işləyən əhalinin əmək pensiyası və digər sosial müdafiə hüquqlarının təmin edilməsində iştirak etməsinə şərait yaradıb. Bu məqsədlə vətəndaşlara fərdi şəxsi hesablarında pensiya kapitallarını formalaşdırmaq imkanı verilib. Sistemdə fərdi şəxsi hesabı olanların sayının mütəmadi artımı da vətəndaşların bu sahədə aktiv iştiraka marağını göstərir.

Eyni zamanda, ƏƏSMN-nin elektron xidmətlərindən biri olan “Sığortaolunanlara məlumatların verilməsi” e-xidməti fərdi uçot sistemində fərdi şəxsi hesabı açılmış hər bir vətəndaşa öz fərdi hesabında toplanan pensiya kapitalı barədə mütəmadi şəkildə məlumat öyrənməyə imkan verir.

Məqalədə:
Xəbər lenti

Xəbər lenti