MOLDOVA, RUSİYA VƏ GÜRCÜSTAN YIĞMALARI MDB SPARTAKİADASINDA İŞİTİRAK ETMƏK ÜÇÜN BAKIYA BİRİNCİ GƏLƏCƏK
Bakıda keçiriləcək MDB ölkələri Spartakiadasının iştirakçılarının Azərbaycana gəlişi sentyabrın 22-də başlanır.
Gənclər, İdman və Turizm Nazirliyinin mətbuat xidmətinin rəhbəri Raqif Abbasovun Trend ə bildirdiyinə görə, Bakıya birinci olaraq Moldova, Rusiya və Gürcüstan komandaları gələcək. "Növbəti gün isə rəsmi qonaqların, həmçinin, nahar vaxtına qədər şəhərdə yerləşməli olan digər kollektivlərin gəlişi gözlənilir", - deyə R.Abbasov qeyd edib. Onun sözlərinə görə, yarışlarda 10 idman növü üzrə güclərini sınayacaq 1200 atlet iştirak edəcək.
Mətbuat xidmətinin rəhbəri, həmçinin, Spartakiadada artıq turnirə hazırlığı başa vuran ev sahibləri də daxil olmaqla 11 yığma komandanın iştirak edəcəyini təsdiqləyib.
