Bu ilin sentyabr ayında Kanadada Azərbaycan günlərinin keçirilməsi planlaşdırılır. Bu barədə Trend ə Kanada-Azərbaycan Alyansının nümayəndəsi, Torontoda yaşayan azərbaycanlı bəstəkar Adil Bəbirov məlumat verib.
O bildirib ki, bu tədbirin təşkilatçılığına Azərbaycanın Kanadadakı səfirliyi də köməklik göstərəcək. Artıq tədbirin proqramı da tərtib olunub. Proqrama görə, Azərbaycan günləri 3 gün Monreal şəhərində, 3 gün Toronto şəhərində, 1 gün isə paytaxt Ottavada təşkil olunacaq.
Adil Bəbirov bildirib ki, Kanada-Azərbaycan Alyansı bundan əvvəl Ottavada Ermənistanın səfirliyi qarşısında piket keçirib. Onun sözlərinə görə, Kanadada yaşayan azərbaycanlılar hər il Azərbaycanla bağlı olan əlamətdar günləri, soyqırım və işğal tarixlərini qeyd edirlər.