Azərbaycan, Bakı / Trend müxbir E.Hüseynli/ Abşeron yarımadasında müvafiq qurumların rəyi olmadan tikinti işləri aparıldığından, eradan əvvəlki əsrlərə aid tarixi-mədəni abidələr, qəbir daşları dağıdılır. Bu barədə Trend ə şənbə günü Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunun direktor müavini Nəcəf Müseybli məlumat verib. Onun sözlərinə görə, tikinti işləri aparılmazdan öncə arxeoloqlar ərazidə yoxlamalar keçirməlidir. Ərazidə tarixi-mədəni abidələr aşkarlanmadığı halda tikinti işləri aparıla bilər.
Müseybli bildirib ki, arxeoloqların apardığı tədqiqatlar zamanı Abşeron yarımadası ərazisində e.ə. X-V əsrlərə aid qəbir daşları tapılıb. Hazırda qəbir daşlarının sayı araşdırılır və yekun rəy hazırlanır.