Azərbaycan, Bakı, 5 iyun /Trend/
FIFA-nın Etika Komitəsi 2022-ci ildə Qətərdə futbol üzrə dünya çempionatının (DÇ) keçirilməsi qərarı ilə bağlı korrupsiya qalmaqalı üzrə araşdırmanın nəticəsinə dair hesabatı iyulda təqdim edəcək. Trend-in "İnterfaks"a istinadən verdiyi məlumata görə, bunu komitənin rəhbəri Maykl Qarsiya deyib.
Onun sözlərinə görə, araşdırma bir neçə aydır davam edir: "Biz araşdırma çərçivəsində müxtəlif sənədləri öyrənir və şahidləri dindiririk. Bu mərhələni iyunun 9-dək başa çatdırmaq planlaşdırılır. Hesabat isə 6 həftədən sonra təqdim olunacaq".