Azərbaycan, Bakı, 17 oktyabr /Trend/
Bu gün İsveçrənin Nyon şəhərində futzal üzrə UEFA kubokunun elit-raund mərhələsinin püşkatması keçirilib.
Trend AFFA-ya istinadən məlumat verir ki, püşkün nəticəsinə əsasən, turnirdəki təmsilçimiz "Araz" "İSK Dina Moskva" (Rusiya), "Slov-Matic Bratislava" (Slovakiya), "FK EP Chrudim" (Çexiya) komandaları ilə B qrupunda mübarizə aparacaq. Bu qrupun oyunları Çexiyada təşkil olunacaq.
Qeyd edək ki, "Araz" hazırda futzal klublarının UEFA reytinq siyahısında İspaniyanın "Barselona" və Qazaxıstanın "Kayrat" klubundan sonra 3-cü pillədə qərarlaşıb.