...

Rafael Ağayev Fransada keçirilən “Karate1” Premyer Liqa turnirində medal qazanıb (FOTO)

İdman Materials 28 Yanvar 2019 08:33 (UTC +04:00)
Fransanın paytaxtında Karate1 Premyer Liqasının "Paris Open" mərhələsində çənəsi və burnundan iki zədə alan milli komandanın lideri, turniri gümüş medalla başa vurub.
Rafael Ağayev Fransada keçirilən “Karate1” Premyer Liqa turnirində medal qazanıb (FOTO)

Bakı. Trend:

Fransanın paytaxtında Karate1 Premyer Liqasının "Paris Open" mərhələsində çənəsi və burnundan iki zədə alan milli komandanın lideri, turniri gümüş medalla başa vurub. Bundan başqa R.Ağayev Dünya Karate Federasiyasının (WKF) ötən mövsümün ən yaxşı idmançıları üçün təsis etdiyi "Grand Winners"-in mükafatçılarından biri olub. Namizədlərə mükafatları Yaponiyanın Fransadakı səfiri Masato Kitera və WKF-in prezidenti Antonio Espinos, həmçinin təşkilatın baş katibi Toşixisa Naqura təqdim edib.

Yarışda iştirak edən milli komandanın digər üzvlərindən Firdovsi Fərzəliyev (-60 kq), Rafiz Həsənov (-67 kq), Turqut Həsənov, Pənah Abdullayev (ikisi də -84 kq) və Nuranə Əliyeva (-50 kq) təsəlliverici görüşlərə qatılsa da, nəticədə medal qazanmaq şansını əldən veriblər.

"Kiçik dünya çempionatı" adlandırılan "Paris Open" turnirində 82 ölkədən 776 idmançı iştirak edib. Beynəlxalq hakim Cahangir Babayev, məsul final görüşlərini idarə edən referilər arasında olub.

Qeyd edək ki, karateçilərimizin növbəti rəsmi yarışı fevral ayının ortaları Karate1 Premyer Liqasının Dubay mərhələsi olacaq.

Məqalədə:
Xəbər lenti

Xəbər lenti