Konya.Trend:
Azərbaycanın yunan-roma güləşçisi Murad Məmmədov V İslam Həmrəyliyi Oyunlarında gümüş medal qazanıb.
Trend-in şənbə günü verdiyi məlumata görə, o, Qırğızıstan idmançısı Jolaman Sarşanbekova 10:2 hesabı ilə uduzub.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışlar avqustun 18-dək davam edəcək.
İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir. Yarışlar Konya şəhərinin 14 yerində keçirilir. Onların nəticələrinə görə, idmançılar 355 medalla təltif olunacaqlar.