Konya.Trend:
Qadın voleybolçulardan ibarət Azərbaycan yığması V İslam Həmrəyliyi Oyunlarının bürünc medalını qazanıb.
Trend-in məlumatına görə, milli komanda Kamerun yığmasını 3:0 hesabı ilə məğlub edib.
Birinci set 27:25, ikinci set 25:13, üçüncü set 25:17 hesabı ilə başa çatıb.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Oyunlar avqustun 18-dək davam edəcək.
Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.
