Bakı. Trend:
Səudiyyə Ərəbistanı Futbol Federasiyası 2034-cü il dünya çempionatına ev sahibliyi etmək üçün müraciət etmək niyyətindədir.
Trend-in məlumatına görə, bu barədə "Saudi Press Agency" agentliyi xəbər verib.
Bildirilib ki, buna dünya səviyyəli futbol tədbirlərinə ev sahibliyi etmək sahəsində artan təcrübəsi əsas verir. Ölkə 2027-ci ildə Asiya Kubokuna ev sahibliyi edəcək.
Qeyd edək ki, oktyabrın 4-də Beynəlxalq Futbol Federasiyası bəyan edib ki, 2034-cü il dünya çempionatına ev sahibliyi etmək üçün yalnız Asiya və Okeaniya ölkələri iştirak edə bilər.