Bakı. Trend:
Danimarkalı futbolçu Patrik Dorqu İtaliyanın "Leççe" klubundan İngiltərənin "Mançester Yunayted" komandasına keçib.
Trend xəbər verir ki, bu barədə Mançester klubunun mətbuat xidməti məlumat yayıb.
Oyunçu ilə 2030-cu ilin iyun ayınadək müqavilə imzalanıb. İngiltərə klubu futbolçunun transferi üçün 30 milyon avro ödəyib.
Qeyd edək ki, İtaliya çempionatının cari mövsümündə Dorqu "Leççe"nin heyətində 21 oyun keçirib, 3 qol vurub və 1 məhsuldar ötürmə edib. 20 yaşlı futbolçu 2023-cü ilin iyulundan "Leççe"də çıxış edir və Danimarka millisində 4 oyun keçirib, 1 qol vurub.