...

"Amrahbank"dan "3D Secure" təhlükəsizlik sisteminə qoşulmaq imkanı

İqtisadiyyat Materials 31 Oktyabr 2016 10:51 (UTC +04:00)
Amrahbank bütün növ kart sahibləri olan müştərilərinə pulsuz "3D Secure" təhlükəsizlik sisteminə qoşulmaq imkanı yaradıb.
"Amrahbank"dan "3D Secure" təhlükəsizlik sisteminə qoşulmaq imkanı

Bakı. Trend:

Amrahbank bütün növ kart sahibləri olan müştərilərinə pulsuz "3D Secure" təhlükəsizlik sisteminə qoşulmaq imkanı yaradıb. Bu xidmət bankın həm MasterCard, həm də VISA tipli plastik kartlarına şamil olunur.

Bankdan Trend-ə verilən məlumata görə, “3D Secure” xidməti plastik kartlar vasitəsilə onlayn əməliyyatlarda dələduzluq hallarından mühafizə və ödənişlərin təhlükəsizləşdirilməsi imkanını verən qabaqcıl bir texnologiyadır.

“3D Secure” təhlükəsizlik standartları bu xidməti dəstəkləyən saytlarda bir qayda olaraq “MasterCard Secure Code” və “Verified by Visa” loqotipləri ilə işarələnir. Bankın müştəriləri həmin saytlarda mal və ya xidmətlər üçün ödənişlər edən zaman “AzeriCard” səhifəsinə keçir, orada kartın üzərində qeyd edilməyən xüsusi "3D" şifrəsi daxil edilir və yalnız şifrənin təsdiqindən sonra ödənişi həyata keçirilir. Belə ki, plastik kartın özü və ya üzərindəki məlumatlar itirildikdə və ya oğurlandıqda kartın sahibindən başqa və ya onun xəbəri olmadan internet vasitəsilə əməliyyat aparıla bilməz.

Bundan başqa Amrahbank plastik kart sahiblərinə müxtəlif növ xidmətlər, o cümlədən SMS məlumatlandırma, Card to Card, Mobil və İnternet Bankçılıq, PİN Change, Cash by Code, MasterCard Money Send və s. xidmətlər təklif edir.

Bankın digər məhsul və xidmətləri haqqında daha ətraflı məlumat üçün “Amrahbank”ın 987 saylı Məlumat Mərkəzinə, www.amrahbank.com/az saytına və ya www.facebook.com/Amrahbank.ASC rəsmi facebook səhifəsinə müraciət edə bilərsiniz.
Xatırladırıq ki, Bəhreyn Krallığında fəaliyyət göstərən Beynəlxalq İnvestisiya Bankı (www.iib-bahrain.com), 1993-cü ildə təsis olunmuş “Amrahbank”ın strateji səhmdarıdır.

Məqalədə:
Xəbər lenti

Xəbər lenti