...

"Kapital Bank"ın dəstəyi ilə növbəti "Yay Futbol Düşərgəsi" keçirilir

İqtisadiyyat Materials 20 İyun 2017 10:20
"Kapital Bank" Sumqayıt şəhərində 7-12 yaşlı uşaqlar arasında keçiriləcək ənənəvi "Yay Futbol Düşərgəsi" layihəsinin rəsmi tərəfdaşıdır.
"Kapital Bank"ın dəstəyi ilə növbəti "Yay Futbol Düşərgəsi" keçirilir

Trend-i buradan izləyin

Bakı. Trend:

"Kapital Bank" Sumqayıt şəhərində 7-12 yaşlı uşaqlar arasında keçiriləcək ənənəvi "Yay Futbol Düşərgəsi" layihəsinin rəsmi tərəfdaşıdır.

Bankdan Trend-ə verilən məlumata görə, layihə 12 gün müddətində 3 qrup üzrə keçiriləcək.

Layihə çərçivəsində Sumqayıt şəhərində və onun ətraflarında yerləşən 48 orta məktəb üzrə 100-dən artıq şagird iştirak edəcək.

Layihəni keçirməkdə əsas məqsəd, gənc və yeniyetmə şagirdləri futbola cəlb etmək, onlar arasında bu idman növünün təbliği, futbolun kütləviliyinin artırılması və gəncləri sağlam həyata yönləndirməkdir.

Qeyd edək ki, layihə "Kapital Bank"la yanaşı, Təhsil Nazirliyi, Sumqayıt Şəhər İcra Hakimiyyəti, Sumqayıt Şəhər Təhsil Şöbəsi, Azərikimya İB və "Sumqayıt" Futbol Klubunun təşkilatçılığı ilə keçirilir.

Azərbaycanda ən böyük filial şəbəkəsinə malik olan "Kapital Bank" 92 filialı və 6 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

Məqalədə:
Xəbər lenti

Xəbər lenti