Bakı. Trend:
Ötən il Azərbaycanda banklar tərəfindən 4,5 milyardlıq nağd ABŞ dollarının alqı-satqısı üzrə əməliyyatlar aparılıb.
Bu barədə Trend Azərbaycan Mərkəzi Bankının hesabatı əsasında hesablamalar aparıb.
Məlumata görə, bu, 2023-cü ildəki göstərici ilə müqayisədə 1,4 milyard ABŞ dolları və ya 44% çoxdur.
Belə ki, hesabat dövründə Azərbaycanda bankların ABŞ dolları alışı 1,6 milyard, satışı isə 2,9 milyard təşkil edib.
Bu göstəricilər 2023-cü ildəki rəqəmlərlə müqayisədə müvafiq olaraq ABŞ dolları alışı üzrə 15,9 milyon və ya 1% az, satışı üzrə isə 1,4 milyard və ya 92,5% çoxdur.
Ötən il 1 ABŞ dollarının orta məzənnəsi 1,6998 manat olub.