Bakı. Trend:
Bu ilin yanvar-aprel ayları ərzində Azərbaycanda avtonəqliyyat vasitələrinin sığortası üzrə sığorta şirkətlərinin yığımları 22,8 milyon manat təşkil edib.
Trend bu barədə Azərbaycan Mərkəzi Bankından məlumat əldə edib.
Məlumata görə, bu göstərici 2024-cü ilin eyni ayları ilə müqayisədə 4,7 milyon manat və ya 26,1% çoxdur.
Eyni zamanda, hesabat dövründə avtonəqliyyat vasitələrinin sığortası üzrə ödənişlərin həcmi 9,3 milyon manat təşkil edib. Bu isə 2024-cü ilin yanvar-mart aylarındakı göstərici ilə müqayisədə 2,7 milyon manat və ya 40,8% çoxdur.
Qeyd edək ki, 2025-ci ilin yanvar-aprel aylarında Azərbaycandakı sığorta şirkətlərinin xətti ilə 588,5 milyon manat sığorta haqqı yığılıb.
Məlumata görə, bu göstərici 2024-cü ilin eyni dövrü ilə müqayisədə 8,4% çoxdur.
Eyni zamanda, 2025-ci ilin ilk 4 ayında Azərbaycandakı sığorta şirkətlərinin xətti ilə 231,3 milyon manat sığorta ödənişi edilib. Bu isə ötən ilin eyni dövrü ilə müqayisədə 10,4% artım deməkdir.