Azərbaycan , Bakı / Trend müxbir Ü. İsmayılova / Gunay Sigorta sığorta şirkəti Azərbaycan bazarında yeni sığorta məmulatı hazırlayır . Şirkətin baş direktor müavini Mehman Əliyev bu haqda məlumat verib .
" Şirkət müdir və idarəçilərin məsuliyyət sığortasını hazırlayır " - deyə Əliyev bildirib .
Onun sözlərinə görə , şirkətin xarici korporativ müştəriləri arasında bu sığorta növünə tələbatın mövcud olmasından sonra Gunay Sigorta bu məmulatın hazırlamasına qərar verib .
Bu sığorta növünün obyekti - menecerin maraqlarına ziyan dəyə biləcək üçüncü tərəflər qarşısında vətəndaş məsuliyyətidir . Söhbət ilk növbədə şirkət səhmdarları haqqında gedir , lakin menecerdən narazılığını həmçinin təmzimləyici və nəzarət orqanları , şirkətin işçiləri ( qanunsuz işdən azad olunanlar ), onun tərəfdaş və kreditorları da təqdim edə bilərlər .
Şirkətin planları haqqında danışan Əliyev nizamnamə kapitalının indiki 706 min manatdan 800 min. manata çatdığını qeyd etdi .
1992 ildən fəaliyyət göstərən Gunay Anadolu Sigorta-nın təsisçiləri Gunay səhmdar bankı və Anadolu Anonim Türkiyə sığorta şirkətidir .
Kompaniya Munich Reinsurance Company ( Almaniya ), Swiss Reinsurance Company ( İsveçrə ), Cologne Reinsurance Co. Ltd ( Almaniya ), Assicurazioni Generali S.P.A. ( İtaliya ), Royal & Sun Alliance Reinsurance ( İngiltərə ), American Re- Insurance Company (ABŞ), Scor Reinsurance (Fransa) kimi sığorta şirkətləri ilə işləyir .
