Azərbaycan, Bakı / Trend , müxbir U.İsmayılova/ Dövlət Əmlakının İdarə Olunması üzrə Dövlət Komitəsi "Gəncə Dəyirman" SC-nin səhmlərinin satışı üzrə investisiya müsabiqəsinin keçirilməsinə dair elan verib. Dövlət Komitəsinin məlumatında bildirilir ki, müsabiqədə şirkətin 30,04 faiz səhmləri satışa çıxarılacaq, yerli investorlarla yanaşı, xarici investorlar da iştirak edəcək.
Müsabiqənin şərtlərinə yeni avadanlıq alınması, inzibati bina və köhnəlmiş avadanlığın təmiri, istehsal olunan məhsul növlərinin artımı və yeni iş yerlərinin açılması daxildir.
"Gəncə Dəyirman" SC-nin Nizamnamə kapitalı 3,4 mln. manat təşkil edir. Buraxılan səhmlərin sayı 1,7 mln., bir səhmin nominal qiyməti isə 2 manatdır. Müsabiqə üçün təklif olunan səhmlərin sayı 1,044, səhmlərin ümumi sayının qiyməti 2,088 mln. manatdır.
İddia edənlər sənədləri noyabrın 20-ə qədər təqdim etməlidirlər.
İnvestisiya müsabiqəsi noyabrın 21-də keçiriləcək.
