Azərbaycan, Bakı/ Trend / Azərbaycan Nazirlər Kabineti Ümumdünya Ticarət Təşkilatına (ÜTC) qəbul prosesi ilə əlaqədar olaraq qanunvericiliyin unifikasiyası üçün malların mənşəyinin müəyyənləşdirilməsi qaydalarını təsdiqləyib. Bu qaydalar Azərbaycan gömrüyündən keçirilmiş mallara görə tarif və qeyri-tarif tədbirlərinin təmin edilməsi üçün vacibdir. Təsiq olunan qaydalar "Gömrük tarifləri haqqında" qanunun bəndləri, tarif, ticarətə dair baş razılaşmanın II maddəsi və malların mənşəyinin qaydalarına dair razılaşma əsasında hazırlanıb. Qaydalar bir və ikidən çox ölkədə istehsal olunan və Azərbaycana gətirilən mallara tətbiq edilir. Malın mənşəyinin müəyyən edilməsi üçün gömrük orqanlarına birinci növbədə malların mənşəyini müəyyən edən sertifikat təqdim edilir. Bu sertifikatda göstərilənlərə ixracatçı, idxalatçının adı və ünvanı, malın çatdırılma marşrutu, malların kodu, qablı və qabsız çəkisi daxildir.
...