Azərbaycan, Bakı, 07 fevral / Trend , müxbir İ.Xəlilova / Azərbaycan hökuməti ölkə regionlarının sosial-iqtisadi inkişafı yeni Dövlət Proqramının hazırlanması üçün işçi qrupunun və komissiyanın yaradılmasına başlayıb. Proqram 2015-ci ilədək olan dövrü əhatə edəcək, - iqtisadi inkişaf naziri Heydər Babayev deyib.
Hazırda qüvvədə olan Proqram bu il başa çatır. Proqram çərçivəsində 640 mindən artıq yeni iş yerlərinin yaradılması (onlardan 460 mini - daimidir) təmin olunub. Ötən il 145 min iş yeri (105 min - daimi əsasda) açılıb. Regionların inkişafı üzrə tədbirlər çərçivəsində, iş yerlərinin 80 faizdən çoxu regionların, 86 faizi - qeyri-dövlət sektorun payına düşür.
Ötən ilin yekununa əsasən, 344 emal, 822 - tikinti, 579 - kənd təsərrüfatı sahəsində müəssisəsə, 1700 ticarət və xidmət sahəsində obyekt yaradılıb. Onların təxminən 40 faizi regionoların payına düşür. Bununla yanaşı, Əli Bayramlıda yağ emalı üzrə zavod, Salyanda - illik 30 min ton gücündə süd məhsullarının istehsalı üzrə zavod, Şəkidə - 3,5 mln. kərpic gücündə kərpic zavodu, Qazaxda - gündə 350 ton gil istehsal edən bentonit zavodunun birinci tikinti fazası tamamlanıb, Qəbələdə - konserv zavodu və ticarət-bazar mərkəzi, İmişlidə - gündəlik 5,5 ton həcmində çörək məmulatları istehsalı üzrə zavod, Göyçayda - illik 200 min şərti şüşə həcmində nar şirəsi emalı üzrə zavod istifadəyə verilib.
