Azərbaycan, Bakı, 22 may / Trend / Rəsmi mətbuatın məlumatlarına görə, Azərbaycan prezidenti İlham Əliyev Birləşmiş Ərəb Əmirlikləri ilə ticari-iqtisadi əməkdaşlıq üzrə hökumətlərarası komissiyanın tərkibini təsdiq edib.
Azərbaycan tərəfindən komissiyasın həmsədri iqtisadi inkişaf naziri Heydər Babayev təyin olunub.
Komissiyanın tərkibinə Azərbaycan xarici işlər nazirinin müavini Xələf Xələfov, sənaye və energetika nazirinin müavini Gülməmməd Cavadov, maliyyə nazirinin müavini Azər Bayramov, nəqliyyat nazirinin müavini Musa Pənahov, kənd təsərrüfatı nazirinin müavini Bəhmən Əliyev, təhsil nazirinin müavini Elmar Qasımov, mədəniyyət və turizm nazirinin müavini Teymur Mehdiyev daxil edilib.
Komissiyanın tərkibinə həmçinin Dövlət Gömrük Komitəsi sədrinin birinci müavini Səfər Mehdiyev, "Azərbaycan avia xətləri" QSC-nin birinci vitse-prezidenti Sabir İlyasov, rabitə və informasiya texnologiyaları nazirinin müavini İltimas Məmmədov, Milli Bankın idarə heyəti sədrinin müavini Aftandil Babayev və Azərbaycan Beynəlxalq Bankın idarə heyətinin sədri Cahangir Hacıyev daxil olub.
