Azərbaycan, Bakı, 18 iyul/ Trend , müxbir İ.Xəlilova/ Azərbaycanın Əmanətlərinin Sığortalanması Fondu (ADİF) II rübün yekunları üzrə Fondun qoruduğu depozit portfelinin həcmini 6 faiz - 1 357 mln. manatadək artırıb. Bu barədə cümə günü Fonddan məlumat veriblər. Bu, 2008-ci ilin II rübünün yekunları üzrə ADİF-in 37 üzvündən təqvim haqlarının yığılmasının başa çatması nəticəsində baş verib.
Ötən rübə nisbətən, bu rüb fiziki şəxslərin üzv banklarda olan əmanətləri 7%, qorunmayan əmanətlər 14%, qorunan əmanətlər 6% artıb. Məbləğlə ifadə olunduqda, qorunmayan əmanətlər 220,3 mln. manatdan 251 mln. manatadək, Fondun sığortaladığı əmanətlər - 1 277,49 mln. manatdan 1 357 mln. manatadək artıb. Fiziki şəxslərin üzv banklardakı əmanət portfeli 1 497,79 mln. manatdan ikinci rübdə 1 608 mln. manatadək artıb.
İkinci rübün yekunları üzrə Fonda 961 min manat, $1 072, 159 min avro təqvim haqqı ödənilib. Ümumilikdə rüb ərzində Fond əlavə olaraq 2 036 mln. manat alıb.
Bankların Sığorta Fondunun reyestrinə daxil olarkən birdəfəlik üzvlük haqqı (10 min manat) ödəkiləri nəzərə alınmaqla, daxilolmaların ümumi həcmi 7 585 min manat təşkil edir.
Sığorta edilən əmanətçilərin sayı 6 faiz - 1 124 804 nəfərdən 1 193 687 nəfərədək artıb.
Fond 2007- ci il avqustun 13 - də fəaliyyətə başlayıb. 2008 - ci ilin əvvəlindən o, maksimal sığorta edilən məbləği 6 min manatadək artırıb, 2010-cu il yanvarın 1-dən bu məbləğ 8 min manatadək artacaq. Əmanətlərin sığortası haqqında Qanuna əsasən, 2008 - ci il yanvarın 1-dək 4 min manatadək olan əmanətlər Fond tərəfindən tamamilə qorunurdu.
Bununla yanaşı, faiz dərəcələri AMB-nin uçot dərəcəsini (bu gün 13 faiz) 1,8 faiz ötən əmanətlər qorunmayacaq. Başqa sözlə, sığorta edilən əmanət üzrə faiz dərəcəsi 23,4 faizədək ola bilər. Banklar belə əmanəti qəbul edərkən, müştərini Sığorta Fondu tərəfindən qorunmanın olmaması barədə xəbərdar etməlidirlər.
İyulun 18 -nə olan cari məzənnə -- 0,8058 AZN/USD.
Müəlliflə əlaqə saxlamaq üçün elektron ünvan: [email protected]
