Azərbaycan, Bakı, 11 avqust/ Trend , müxbir İ.Xəlilova/ "Azərbaycan Beynəlxalq Bankı - Gürcüstan" (ABB-Gürcüstan") əvvəlki iş rejimində fəaliyyətini davam etdirir və Gürcüstan-Osetiya münaqişəsi onun işinə təsir etməyib. Bu barədə bazar ertəsi ABB-nin mətbuat xidmətinin rəhbəri Rauf Ağayev məlumat verib.
"ABB-nin törəmə strukturu Tbilisidə yerləşib və bununla əlaqədar hazırki mərhələdə hərbi əməliyyatlar Gürcüstan paytaxtında bank sisteminin işinə təsir etmir, - Ağayev hesab edir. Gürcüstanda hərbi vəziyyət tətbiq edilib, lakin bu, müəssisələrin fəaliyyətinin məhdudlaşdırılması demək deyil".
"ABB-Gürcüstan" - Gürcüstan Respublikasının 100 faiz xarici kapitala məxsus bank-rezidenti 2006-cı il noyabrın 16-da təsis edilib. Bu bank vasitəsilə Bakı-Tbilisi-Qars dəmir yolunun Gürcüstan hissəsi maliyyələşdirilir, Bakı-Tbilisi-Ceyhan neft kəmərinin işçilərinə xidmət göstərilir.
Bankın qeydiyyata alınmış və ödənilmiş Nizamnamə kapitalı 12 mln. laridir (təxminən $7 mln.). "ABB-Gürcüstan"ın səhmlərinin 75 faizi Azərbaycan Beynəlxalq Bankına məxsusdur. Bank universal bank kimi korporativ və özəl müştərilərə geniş xidmətlər seçimi təqdim edir.
Avqustun 11-nə olan cari məzənnə -- 0,8109 AZN/USD
Müəlliflə əlaqə saxlamaq üçün elektron ünvan: [email protected]
