Azərbaycan, Bakı, 30 avqust / Trend , müxbir Ü.İsmayılova/Azərbaycanın Dövlət Əmlakının İdarə Edilməsi üzrə Dövlət Komitəsi "Ceyranbatan Sutikinitəchizat"SC-nin səhmlərinin 98,38 faizinin satılmasına dair sərmayə müsabiqəsi elan edib, - rəsmi mətbuat məlumat verir.
Müsabiqədə həm yerli, həm də xarici sərmayədaralar iştirak edə bilərlər. Üstünlük maksimal sərmayə məbləği təklif edən sərmayədarlara veriləcək.
Şirkətin Nizamnamə kapitalı 222,5 min manatdır. Buraxılmış səhmlərin sayı 111,2 min ədəddir. Bir adsız sənədsiz səhmin qiyməti iki manatdır. Sərmayə müsabiqəsinə təqdim edilmiş səhmlərin sayı 218,9 min ədəddir.
SC-nin öhdəliyi 30,6 min manat, o cümlədən əməkdaşlara ödəniləcək əmək haqqı 5,5 min manat, mal və xidmətlərə görə 1,3 min manat, debitor borclar 70,6 min manat təşkil edir.
Sərmayədarlar anbar təsərrüfatının bərpası, əməkdaşların sosial vəziyyətinin yaxşılaşdırılması planını təqdim etməlidirlər.
Sərmayə müsabiqəsində iştirakın qiyməti 20 min manatdır. Müsabiqə oktyabrın 17-də Dövlət Komitəsində keçiriləcək.
