...

Azərbaycanın bankı avrobondların yerləşdirilməsini dayandırıb

Biznes və iqtisadiyyat xəbərləri Materials 24 Oktyabr 2008 18:58 (UTC +04:00)

Trend-i buradan izləyin

Azərbaycan, Bakı, 24 oktyabr/ Trend , müxbir Ü.İsmayılova/ "Azərbaycanın Texnika Bank-ı dünya fond birjalarının fəaliyyətindəki durğunluqla əlaqədar, -  London Fond Birjasında avrobondların yerləşdirilməsini dayandırıb", - bankın İdarə Heyətinin sədri Samir Hüseynov cümə günü bildirib.

"Avrobondların yerləşdirilməsinin dayandırılması fond birjalarının bağlanması ilə əlaqədardır", - Hüseynov bildirib.

Bankın İdarə Heyəti sədrinin sözlərinə görə, Texnika Bank dünya bazarında maliyyə böhranı başlayanadək, iyunda 26 mln. dollar məbləğində avrobondları yerləşdirə bilib. Bank, avrobondların məbləği hələ dəqiqləşdirilməyən qalan hissəsini bazarlardakı vəziyyətdən asılı olaraq, 2009-cu ilin ikinci yarısında yerləşdirməyi planlaşdırır.

Apreldə Moody's Investors Service beynəlxalq reytinq agentliyi Texina Bank-ın avroistiqrazlarına "mənfi" proqnozu ilə uzunmüddətli B2 reytinqi verib. Moody's bankın milli və xarici valyutadakı depozitlərinin B2 reytinq proqnozunu da "sabit"dən "mənfi"yə dəyişib. Avrobondlar üç-beş illik dövriyyə müddəti ilə buraxılacaq. Bank,  Texink Bank-ın kreditinin maliyyələşdirilməsi məqsədilə, Niderlandda Texnika Finance B.V şirkətini qeydiyyatdan keçirib.

Əvvəlcə avroistiqrazların emissiya həcminin 200 mln. dollar məbləğində olacağı bəyan edilmişdi.

Agentliyin ekspertlərinin rəyinə görə, "mənfi" proqnozu 200 mln. dollar məbləğin yerləşdirilməsinin bu ölçüdə bank üçün çox böyük olmasını göstərir və bank rəhbərliyində xeyli artmış "riskə iştaha"nı əks etdirir. Bununla əlaqədar, həm Texnika Bank-ın özündə qəbul edilən risklərin həcmi, həm də bankın ehtiyat bazasının bazar borcundan asılılıq dərəcəsi Moody's-də narahatlıq doğurur. Bütün bunlar bankın müstəqil maliyyə davamlılığının azalmasına gətirə bilər.

Bu gün Texnika Bank-ın majoritar səhmdarı qismində, bankın səhmlərinin 75 faizinə sahib World Wines şirkəti çıxış edir. Bankın Müşahidə Şurasının sədri Etibar Əliyev səhmlərin 15 faizini, Amerikanın Kazimir Investment Caspian Fund şirkəti 10 faizini idarə edir.

Oktyabrın 1-nə Texnika Bank-ın məcmu kapitalı 55 mln manat, Nizamnamə kapitalı 26 mln. manat təşkil edib, doqquz ay ərzində bankın mənfəəti 20 mln. manata bərabər olub.

Oktyabrın 24 - nə olan cari mübadilə məzənnəsi -- 0,8111 AZN/USD. 

Müəlliflə əlaqə saxlamaq üçün elektorn ünvan: [email protected]

Xəbər lenti

Xəbər lenti