Azərbaycan, Bakı, 03 noyabr/ Trend , müxbir Ü.İsmayılova/ Bakıda sentyabrda ən bahalı torpaq sahəsi paytaxtın Nəsimi rayonunda bir sota görə, 407 min dollar dəyərində təklif olunub. Ən ucuz torpaq sahəsi isə Qaradağ rayonunda - bir sot üçün 331 dollara bərabər olub. Bu barədə bazar ertəsi "MBA Group" konsaltinq şirkətindən məlumat verilib.
"Sentyabrda torpağın bir sotunun qiyməti avqusta nisbətdə 24,52 min dollaradək? yarm faiz azalıb", - deyə şirktdən bildiriblər.
Sentyabrda ən fəal qiymət dəyişikliyi Bakının üç rayonunda - Nəsimi, Binəqədi və Səbaildə qeydə alınıb.
Sentyabrda Bakıda qiymət dəyişiklikləri:
| Şəhər zonası | Qiymətlər bir sot üçün $-la | Orta qiymət dəyişikliyi %-lə |
| I zona | 233976 | -0,1 |
| II zona | 131493 | -3,9 |
| III zona | 36101 | -3,0 |
| IV zona | 6093 | 4,9 |
Sentyabırda bazara təklif olunan 832 hektar torpaq sahəsinin 64 faizini boş sahələr, qalanlarını isə qeyri-yaşayış və köhnə yaşayış yerləri təşkil edib. Sentyabrda ilk dəfə olaraq yaşayış evlərinin tikilməyə başladığı torpaq sahələrinin ərazisi 7,9 faiz, köhnə məişət obyektlərinin torpaqları 28,1 faiz təşkil edib, qalan sahələr isə əvvəllər tikinti üçün istifadə olunmayıb. Sentyabrda torpaq sahələri üzrə ekspozisiya müddəti 193 günədək - 4,4 faiz artıb ki, bu da ölkənin maliyyə bazarındakı vəziyyət ilə əlaqədardır.
Məqalə müəllifi ilə əlaqə ünvanı - [email protected]
