Azərbaycan, Bakı, 20 noyabr/ Trend , müxbir N.İsmayılova/ Azərbaycanın İnvestisiyalar və İxracın Təşviqi Fondu (AZPROMO) "Azeri Fruit Co" meyvə korporasiyasının inkişaf strategiyasına yenidən baxacaq, - AZPROMO-nun ixracın təşviqi departamentinin direktoru Emil Əliyev deyib.
"AZPROMO bu gün yolayrıcındadır - ilin əvvəlində müəyyən olunan planla getməli, yoxsa dünya böhranının nəticələrinin qarşısını almaq üçün onu dəyişdirməli", - Əliyev söyləyib.
Onun sözlərinə görə, "Azeri Fruit Co" meyvə korporasiyasının gələcək inkişafı məsələsinin gələn ilədək təxirə salınması iştirakçı-şirkətlərin dünya böhranı ilə əlaqədar maliyyə problemlərilə bağlıdır. "Amma "Azeri Fruit Co" hələ də AZPROMO üçün prioritet istiqamətlərdən biri olaraq qalır", - Əliyev bildirib.
AZPROMO "Azeri Fruit Co"nun qurulmasına məsuldur və meyvə korporasiyasının yaradılması ilə bağlı üçtərəfli memorandumun tərəfdaşlarından biridir. "Azeri Fruit Co"nun yaradılması ilə SAF və Garnet ("MilkPro" şirkətinə daxildirlər) şirə istehsalçıları, Azərbaycan İnvestisiya Şirkəti (AİK) və AZPROMO arasında üçtərəfli niyyət memorandumu imzalanıb. Sənədə uyğun olaraq, AİK qarşısında bu layihənin maliyyələşməsi, beynəlxalq maliyyə institutlarından, o cümlədən strateji və portfel sərmayədarlarından əlavə vəsaitlərin cəlb edilməsi vəzhifəsi qoyulub. Beynəlxalq Maliyyə Korporasiyası (BMK) da meyvə korporasiyasında iştirak etmək arzusunda olduğunu bildirib.
"Azərbaycanda meyvə korporasiyasının yaradılmasının gecikdirilməsi bu layhiədə maraqlı olan portfel sərmayədarları ilə danışıqlara mane olmur", - AİK direktoru Anar Axundov əvvəllər bildirib.
Korporasiya yerli istehsalçıların xarici bazarlarda təmsilçisi rolunu oyanayacaq, beynəlxalq standartlara uyğun istehsalın aparılmasına və vahid brendlə ixracına yardım edəcək. Azərbaycanda meyvə korporasiyasının yaradılmasında məqsəd şirə istehsalçıları və meyvə müəssisələrinin cəhdlərini birləşdirməkdir.
Bu gün ölkədə 13 orta və iri, 40-dək kustar meyvə məhsulları istehsalçısı var. Şirə istehsalının yüksək rentabelliliyini nəzərə alsaq, bütün konserv və ət və süd məhsulları müəssisələrinin şirə istehsalı üzrə istehsal xətləri var.
Müəlliflə əlaqə ünvanı: [email protected]
