...

Azərbaycan Bakı -Tbilisi - Qarsın tikintisi başa çatanadək Beynəlxalq Dəmir Yolu Daşınmaları haqqında Konvensiyaya qoşulmaq niyyətindədir

Biznes və iqtisadiyyat xəbərləri Materials 16 Dekabr 2008 19:56 (UTC +04:00)

Azərbaycan, Bakı, 16 dekabr/ TrendCap , müxbir E.İsmayılov/ Azərbaycanın Nəqliyyat Nazirliyi güman edir ki, Azərbaycan və Gürcüstan Bakı -Tbilisi - Qars dəmir yolunun tikintisi başa çatanadək "Beynəlxalq Dəmir Yolu Daşınmaları haqqında Konvensiyaya" (COTİF) qoşulacaq, - Azərbaycanın nəqliyyat nazirinin müavini Musa Pənahov çərşənbə axşamı bildirib.

"Biz çalışacağıq ki, Bakı -Tbilisi - Qarsın tikintisi başa çatanadək Azərbaycan və Gürcüstan bu konvensiyaya qoşulsun", - Pənahov dekabrın 16 -17- də Bakıda keçirilən "Beynəlxalq Konvensiyalar, OTİF-ə üzvlük və dəmir yolu nəqliyyatı sahəsində COTİF-in rejimləri" seminarında bildirib.

Pənahovun bildirdiyinə görə, Bakı - Tbilisi - Qars dəmir yolunun tikintisi üzrə işlər aparılır və tikintini 2010 - cu ilin sonuna bitirmək planlaşdırılır.

"Bakı -Tbilisi - Qars" layihəsi çərçivəsində yeni 105 kilometrlik dəmir yolu magistralı qolunun tikintisi planlaşdırılır. Onun 76 kilometri Türkiyə, 29 kilometri Gürcüstan ərazisindən keçəcək. Bundan əlavə, Gürcüstanda buraxma gücünü ildə 15 ton yükə çatdırmaq üçün 183 kilometrlik Axalkalaki - Marabda - Tbilisi dəmir yolu sahəsi yenidən qurulacaq. Axalkalakidə qatarların Gürcüstanda mövcud olan relslərdən Avropa relslərinə keçməsi üçün məntəqə tikmək planlaşdırılır.

Azərbaycan və Gürcüstan Beynəlxalq Dəmir Yolu Daşınmaları üzrə Hökumətlərarası Təşkilata (OTİF) daxil olmaq istəyirlər. Əsas məqsəd - Azərbaycan və Gürcüstanın hüquqi rejimlərinin Türkiyə və müvafiq olaraq, Avropa rejimlərinə uyğun vəziyyətə gətirilməsidir. Türkiyə artıq bu təşkilatın üzvüdür.

"Bu marşrutla [Bakı -Tbilisi - Qars] daşınmalar başladıqdan sonra vahid hüquqi bazada işləməyimiz üçün bu Konvensiyaya qoşulmaz lazımdır", - Pənahov deyib.

Pənahovun bildirdiyinə görə, bu, Azərbaycanın nəqliyyat infrastrukturunu Avropanın beynəlxalq dəhlizlərinə inteqrasiyasına imkan verəcək.

Azərbaycan və Gürcüstanın bu Konvensiyaya qoşulması çox vacibdir; Azərbaycan Gürcüstan ərazisi vasitəsilə Türkiyəyə birbaşa dəmir yolunun çəkilməsi layihəsinin üzərində işləyir. Türkiyə bu Konvensiyanın üzvüdür və Azərbaycan və Gürcüstan vahid hüquqi çərçivələrdə dəmir yolu daşınmalarını necə təşkil etməyi bilməlidirlər, - OTİF-in Baş katibi Stefan Şimminq seminarda bildirib.

"Bu əlaqə [Bakı -Tbilisi - Qars] istismara veriləndə Azərbaycan və Gürcüstandan Avropa bazarına birbaşa çıxış təmin ediləcək", - Şimminq deyib.

Hazırda 42 dövlət OTİF-in üzvüdür, 2009 - cu il yanvarın 1- dən Estoniyanın birləşməsi planlaşdırılır. OTİF-in hazırladığı vahid normalar ümumi uzunluğu 240 min kilometr təşkil edən dəmir yolları şəbəkəsi ilə nəqliyyat əlaqəsinin həyata keçirilməsini reqlamentləşdirir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti