Azərbaycan, Bakı, 06 fevral / Trend , müxbir Ü.İsmayılova/ "2008-ci ildə Azərbaycanda 18 yaşından yuxarı 215 306 şəxs müxtəlif qrup əlillik dərəcəsi alıb", - cümə günü əmək və əhalinin sosial müdafiəsi naziri Füzuli Ələkbərov ünvanlı sosial yardım və tibbi sosial ekspertiza məsələlərinə həsr olunmuş kollegiyada deyib.
Onların içərisində 24 770 nəfər (11,5 faiz) əlillik statusunu birinci, 190 536 nəfər isə ikinci dəfə alıb. Əlillik üçün təkrar müayinədən keçmiş 8 959 nəfər (4,5 faiz) tam, 4 466 (2,6 faiz) qismən bərpa prosesi keçib. Ötən il 18 yaşından yuxarı 6 892 şəxsə birinci dəfə, 23709 nəfərə təkrarən sosial yardım almaq hüququ verilməsi haqda qərar qəbul edilib.
"411 nəfərin səhiyyə müəssisələri tərəfindən tibbi-sosial ekspert komissiyalarına göndərilməsi əsassız sayılıb", - nazir qeyd edib.
Azərbaycanın protez-ortopedik mərkəzlərində ötən il 5826 əlil bərpa prosesi keçib və protez-ortopedik xidmətlər göstərilib. 2007-ci ildə bu xidmətlərdən yararlanan əlillərin sayı 5156 nəfər olub.
Məqalə müəllifi ilə əlaqə ünvanı: [email protected]