Gürcüstan, Tbilisi, 19 fevral / Trend , N.Kirtsxaliya/ "Bank Qruzii" Gürcüstanın tikinti şirkətləri ilə əməkdaşlığı bərpa edir və onlara yeni evlərdə mənzillərin realizəsi işində öz xidmətlərini təklif edir. Bankın Baş direktoru İrakli Qilaurinin bugünkü brifinqdə verdiyi açıqlamaya görə, "Bank Qruzii" yeni layihə üçün 28 milyon dollar kredit ayırmağa hazırdır.
Bu, Bankın müqavilə imzalayacağı şirkətlərin mənzillərini almaq istəyən vətəndaşlar üçün ipoteka kreditidir. Belə şirkətlərin sayı ümumilikdə 10 olacaq.
İpoteka krediti 10 il müddətinə 30 faizlik yenidənmaliyyələşmə şərtilə verilir. Faiz dərəcəsi 13 faizdən başlanacaq.
Bu gün Bank və üç şirkət - "İberiya - daşınmaz əmlak", "Kalas" və "Baqebi - Siti qrupp" arasında anlaşma müqaviləsi imzalanıb. Daha yeddi şirkətlə müqavilələr imzalanma üçün hazırlanır.
