Türkmənistan, Aşqabad, 16 mart / Trend , müxbir H.Həsənov /
Türkmənistan Mərkəzi Bankının (TMB) sədri G.Geklenov "yeni manatın dövriyyəyə buraxılmasının mərhələli tətbiqi çərçivəsində pul islahatı siyasətinin səmərəli irəliləməsi" haqda məruzə edib", - rəsmi Türkmənistan mənbəyi xəbər verir.
Prezident Qurbanqulı Berdimuhammedovun sərəncamı ilə 1 yanvar 2009-cu il tarixindən etibarən ölkədə milli valyutanın denominasiyası aparılıb: dövriyyəyə yeni banknotlar seriyası daxil olub ki, burada da hesablama əvvəlki 5000 manatın yeni 1 manata bərabər olması sistemi ilə həyata keçiriləcək.
Bu mərhələdəki durum haqda TBM sədri Nazirlər Kabinetinin iclasında məlumat verib. 2009-cu ilin ilk iki ayı ərzində nazirliklər və sahə idarələrinin hesabına daxil olmuş xarici valyutanın həcmi ötən ilin analoji dövrünə nisbətən 52,8 faiz artıb. Bankların həm dövlət strukturlarına, həm də əhaliyə verdiyi kreditlərin həcmi 2,1 dəfə artıb. Özəl sahibkarlıq sahəsində sərmayə layihələrinin, həmçinin yeni iş yerlərinin yaradılmasının maliyyələşdirilməsinə yönəldilən kreditlərin həcmi də ötən ilin analoji dövrünə nisbətən 41,7 faiz çoxalıb.
Berdimuhammedov maliyyə-iqtisadi strukturlarının, sahə nazirlikləri və qurumlarının fəaliyyətinin təkmilləşdirilməsinin vacibliyini qeyd edib.
Türkmən ekspertlər qeyd edirlər ki, milli valyutanın möhkəmləndirilməsi addımı ölkə iqtisadiyyatının müxtəlif sahələrinə kapital axınını təmin etmək üçün atılıb. Türkmənistanda denominasiyanın aparılması üzrə bütün hazırlıq tədbirləri beynəlxalq təşkilatlar, həmçinin də BMT ekspertlərinin müsbət qiymətini qazanıb. Gözlənilir ki, yeni manatın dövriyyəyə buraxılması pul dövriyyəsinin optimallaşdırılması, qiymətəmələgəlmənin sadələşdirilməsi, hesablamaların aparılmasının yüngülləşdirilməsi, eləcə də əhalinin, təsərrüfatın bütün subyetklərinin bazar münasibətlərinə uyğunlaşmasına yardımçı olacaq. Bununla yanaşı denominasiya Türkmənistanın dünya bazarındakı reytinqinin yüksəlməsinə, mailli iqtisadiyyatın ruhlandırılmasına kömək edib.
Məqalə müəllifi ilə əlaqə ünvanı: [email protected]